Rétt eins og titillinn segir, hljóðaði grein í fréttablaðinu sem kom út á mánudaginn síðasta, og ég get sagt það bara strax að ég hef aldrei verið jafn móðguð eða hneyksluð á einni blaðagrein. Mér finnst það hreint og beint hneyksli að einhverjum skuli hafa dottið þessi hugmynd í hug og virkilega prentað hana frammi fyrir landsþjóð.

Þarna er sigurvegarinn Reyðarfjörður og svo bæjir sem koma á eftir honum eru: Bolungarvík, Eyrarbakki, Garðabær, Grenivík, Höfn í Hornafirði, Keflavík, Raufarhöfn, Vestmannaeyjar, Bíldudalur, Blönduós, Búðardalur, Garður, Grundarfjörður, Hella, Hnífsdalur, Ólafsvík, Patreksfjörður, Reykhólar á Barðaströnd, Siglufjörður, Víðihlíð og Vogar á Vatnsleysuströnd.

Sums staðar er gert út á það hve fá hús séu á hverjum stað og fái á ferli í hverjum bæ. Að sumir séu "wannabe" stórborg og aðrir svo svakalega afskekktir að þeir hafa sér mállýsku og voru kallaðir hillbillí (vil bara benda á það að á Akureyri er næstum sér mállýska og ég sé ekkert athugavert við það, en ekki eru þeir e-ð spes afskekktir). Plebbalegt pleis - afhverju er einhver einn staður plebbalegri en annar? Hvað varð um að nota bara íslenskuna okkar en ekki e-ð slangur? Á einum stað er nefnt að þar fáist ekki hamborgarar og hvað þá pylsur. Þar vil ég bara nefna að þá hefur sá aðili sem skrifaði þetta ekki skoðað bæinn neitt sérstaklega vel. Á þessum stað er góður veitingastaður á aðalgötunni og ég veit ekki betur en þar fáist góður hamborgari og annar frábær matur. Á einum stað er sagt að þar sé ekkert til að stoppa fyrir en það er mjög erfitt að dæma bók eftir kápunni. Ef þú þekkir e-ð til á staðnum (sem þetta fólk gerir greinilega ekki) að þá er alltaf e-ð að gera. Á einum stað er sett út á fatnað fólks. Að það hafi gengið í einhverju ákveðnu og þegar það kom í tísku að þá hafi það breytt til og farið að ganga í einhverju öðru. Hvað helvítis máli skiptir það? Þurfa allir að vera eins og fara eftir því sem nokkrar manneskjur sem um hvað sé í "tísku"? Hvernig fer þá fyrir okkur? Manneskjan er að verða komin á það stig að við hugsum ekki sjálf eða yfir höfuð gerum e-ð sjálf nema við sjáum þetta "hipp og kúl" manneskju sem "ræður" gera það líka. Á einum stað er sett út á partý sem skrifendur fóru í en þar fannst þeim greinilega e-ð athugavert við það að þar væri hlustað á Metallicu en ekki e-ð annað. Hvað er málið með allri þessari fjölbreytni á tónlist í dag ef allir eiga að hlusta á það sama? Það er til svona mikið magn og fjölbreytni af tónlist svo allir hafa e-ð sem hæfa sér.

Og það er fleira í þessari grein að lesa og setja út á og ég mæli með því ef fólk kemst í fréttablaðið síðan á mánudaginn að lesa greinina og segja hérna hvað þeim finnst. Í hreinskilni sagt, getur landsbyggðin ekki verið nógu "kúl" nema vera alveg eins og tuttugu cappucino sötrandi miðbæjarrottur. En það kemur fram í greininni að það hafi verið fengnir tuttugu einstaklingar (cappocino sötraqndi miðbæjarrrottur) til að segja álit sitt. Þesstir tuttugu álitsgjafar voru:
-Björg Sveinbjörgsdóttir (Donna Mess)
-Búi Bendtsen (útvarpsmaður),
-Ceres 4 (pönkari),
-Dóri DND (rappari), 
-Elís Pétursson (Jeff Who?),
-Elísabet Ólafsdóttir (Beta Rokk),
-Erpur Eyvindsson (rappari),
-Ester Ásgeirsdóttir (Singapore Sling),
-Frosti Logason (Mínus),
-Helgar Óskarsdóttir (myndlistarkona),
-Hugleikur Dagsson (teiknari),
-Jón Atli Helgason (Hairdoctor),
-Katrín Atladóttir (katrin.is),
-Kormákur Geirharðsson (kaupmaður),
-Margrét Hugrún Gústavsdóttir (blaðamaður),
-María Reyndal (leikstjóri),
-Óskar Jónasson (leikstjóri),
-Páll Óskar Hjálmtýrsson,
-Rögnvaldur Raögnvaldsson (Hvanndalsbróðir),
-Skjöldur Eyfjörð (verslunarmaður).
 
Auðvitað verðum við að virða þeirra skoðun en mér finnst það samt ekki í lagi að taka fyrir nokkra bæji og algjörlega rakka þá niður til helvítis og segja að þeir séu ekkert nema ömurlegir og viðbjóðslegir!!!

Endilega komið með ykkar skoðun á þessu!

Au revoir!